Stelpurnar okkar unnu í gær nokkuð þægilegan 25 stiga sigur á Blikum hér á heimavelli, en lokatölur leiksins urðu 89-64, Grindavík í vil. Leikurinn var nokkuð jafn framan af en Grindavík var þó yfir allan tímann. Hægt en örugglega byggðu þær upp forystuna og sigurinn var í raun aldrei í hættu.

Eins og svo oft áður í vetur var Rachel Tecca mjög öflug í teignum, en hún skoraði 23 stig í gær og tók 15 fráköst. Skotnýtingin hennar var líka mögnuð, eða 79%. Þá skoraði Petrúnella 18 stig og María Ben 16.

Næsti leikur liðsins er útileikur gegn KR en strákarnir spila ekki í kvöld, leikurinn gegn Tindastóli fer fram mánudaginn 1. desember.