Grindavík landaði þremur dýrmætum stigum í Pepsi-deild karla í gær þegar liðið sigraði Breiðaleik í miklum markaleik, 4-3. Aðstæður til knattspyrnuiðkunnr á Grindavíkurvelli voru ekki upp á marga fiska en völlurinn var mjög blautur og stífur vindur á annað markið í ofanálag. Grindvíkingur léku undan vindi í fyrrihálfleik en það voru Blikar sem settu fyrsta markið strax í upphafi leiks og lentu okkar menn undir í 11. leiknum í röð.

Þeir létu markið þó ekki slá sig útaf laginu. Fyrirliðinn Gunnar Þorsteinsson jafnaði leikinn um 10 mínútum seinna og markamaskínan Andri Rúnar bætti tveimur mörkum við áður en flautað var til hálfleiks. Andri er því kominn með 18 mörk í deildinni í sumar og vantar aðeins 1 mark til jafna markametið í efstu deild, þegar tvær umferðir eru eftir af mótinu.

Blikar nýttu sér vindinn í seinni hálfleik og héldu mikilli pressu á Grindavík. Þeir minnkuðu muninn fljótlega en gekk illa að klára færin og á 89. mínútu skoruðu Blikar sjálfmark og má segja að þar með hafi sigurinn verið í höfn þrátt fyrir Blikar hafi náð að setja einn mark til, lokatölur 4-3.

Eftir þennan leik er Grindavík í 5. sæti með 28 stig og endanlega sloppið við fall, og rúmlega það.

Umfjöllun Fótbolta.net um leikinn

Myndaveisla frá Benóný Þórhallssyni

Viðtal við Óla Stefán:

Viðtal við Andra Rúnar: