Knattspyrnudeild Grindavíkur hefur gert nýjan tveggja ára samning við færeyska landsliðsmanninn Rene Joensen. Rene gekk til liðs við Grindavík í lok júlí, og spilaði 8 leiki í Pepsi-deildinni í sumar. Hann er fjölhæfur leikmaður sem getur spilað á báðum köntunum, í bakverði og á miðjunni. Rene var í yngri liðum Bröndby á sínum tíma en hann lék síðan með HB í heimalandinu 2014 og 2015. Hann lék með Vendsyssel í Danmörku áður en hann samdi við Grindavík.