Körfuknattleiksdeild Grindavíkur er það sönn ánægja að tilkynna að þær Lilja Ósk Sigmarsdóttir og Ingunn Embla Kristínardóttir hafa skrifað undir 2 ára samninga við félagið. Lilja er uppaldinn Grindvíkingur og spilaði með okkur á síðasta tímabili en Ingunn hefur alla tíð spilað með Keflavík. Ingunn er fædd árið 1995, er 170 cm á hæð og spilar stöðu bakvarðar. Hún var með rúm 8 stig að meðaltali í leik í fyrra og tók 4,5 fráköst.

Við erum gríðarlega ánægð með að hafa náð samningum við þær og búumst við miklu frá þeim næstu árin. Pétur Guðmunds skrifaði einnig undir 2 ára samning um að aðstoða Daníel með meistaraflokk kvenna.

Stjórn KKD UMFG