Grindavík skellti Þrótti örugglega 3-0 í 1. deild karla og hefur nú þriggja stiga forskot á toppi deildarinnar. Grindavík gerði í raun út um leikinn með tveimur mörkum með mínútu millibili um miðjan fyrri hálfleikinn en þar voru að verki Jósef Kristinn Jósefsson og Juraj Grizelj.
Grindavík hafði talsverða yfirburði í leiknum og það var Guðfinnur Þórir Ómarsson sem skoraði þriðja markið undir lokin gegn sínum gömlu félögum, eftir undirbúning Jósefs Kristins.
Milan Stefán Jankovic þjálfari gerði tvær breytingar á byrjunarliðinu frá síðasta leik. Denis Sytnik og Daníel Leó Grétarsson byrjuðu en Alex Freyr Hilmarsson og Óli Baldur Bjarnason fóru á bekkinn en Óli Baldur kom inn á um miðjan seinni hálfleik. Hins vegar meiddist varnarmaðurinn sterki Alen Sutej undir lokin og þurfti að fara út af.
Grindavíkurliðið lítur mjög vel út og hefur spilað ljómandi vel í síðustu leikjum. Liðið hefur nú unnið fimm leiki í röð eftir að hafa tapað í fyrstu umferðinni.
Staðan:
2. Leiknir R. 6 3 3 0 10:5 12
3. BÍ/Bolungarv 5 4 0 1 12:12 12
4. Víkingur R. 6 3 2 1 12:8 11
5. Haukar 5 3 1 1 7:5 10
6. KF 5 1 3 1 8:6 6
7. Selfoss 5 2 0 3 8:9 6
8. Tindastóll 5 1 2 2 5:8 5
9. KA 5 1 1 3 4:8 4
10. Fjölnir 5 1 1 3 7:12 4
11. Þróttur 6 1 0 5 6:11 3
12. Völsungur 5 0 1 4 4:12 1