Grindvíkingar lönduðu enn einum Íslandsmeistaratitlinum í körfuknattleik um helgina en í þetta skiptið var það í flokki B-liða. Grindvíkingar eiga þar á að skipa gríðarsterku liði sem skipað er gömlum reynsluboltum úr kvennakörfunni í bland við yngri leikmenn, sem flestar ættu eflaust fullt erindi í lið Grindavíkur í efstu deild. Stelpurnar spiluðu til úrslita gegn Keflavík B og urðu lokatölur 62-54 fyrir Grindavík. Til hamingju með titilinn stelpur!

Mynd: Bryndís Gunnlaugsdóttir