Golfklúbbur Grindavíkur stendur fyrir námskeiði fyrir byrjendur í íþróttinni 29. og 30. ágúst. Kennt verður á Húsatóftavelli og kennari er Andrea Ásgrímsdóttir, PGA golfkennari. Námskeiðið er 2 klst. (1 klst í senn) frá kl. 17:00-18:00.

1. Þriðjudagur 29. ágúst. Farið verður yfir grunnatriði golfsveiflunnar, búnað og annað sem skiptir máli.

2. Miðvikudagur 30. ágúst. Haldið áfram með grunnatriði golfsveiflunnar og stutta spilinu bætt við.

Markmiðið með námskeiðinu er að nemendur þekki þau grunnatriði sem koma að golfsveiflunni s.s.
grip, líkamsstöðu og sveifluferil ásamt stutta spilinu.

Þetta námskeið hentar fyrir byrjendur og einnig þá sem eru aðeins komnir af stað í íþróttinni en vilja
skerpa á grunnatriðunum.

Nánari upplýsingar og skráning á netfanginu andreagolfkennari@gmail.com eða í síma 615-9515.