Grindavíkurpiltar gerðu góða ferð austur á land um helgina þegar þeir lögðu Leikni á Fáskrúðsfirði 4-1 í Inkassodeild karla í knattspyrnu. Leikið var í knattspyrnuhöllinni á Reyðarfirði. Leikurinn var jafn til að byrja með en eftir að Gunnar Þorsteinsson braut ísinn með skallamarki á 23. mínútu tóku okkar menn yfirhöndina á vellinum.

William Daniels bætti við öðru marki Grindavíkur skömmu síðar og Gunnar Þorsteinsson skoraði svo þriðja mark Grindavíkur á 69. mínútu og annað mark sitt í leiknum. Heimamenn minnkuðu muninn en Magnús Björgvinsson innsiglaði 4-1 sigur Grindvíkinga með marki undir lok leiksins.

Grindavík er í 2. sæti og nú aðeins einu stigi á eftir toppliði KA en nágrannarnir Keflavík eru skammt undan. Suðurnesjaliðin mætast á Grindavíkurvelli á fimmtudaginn í sannkölluðum stórleik þar sem mikið verður í húfi. Grindvíkingar eru hvattir til þess að mæta og hvetja okkar menn til sigurs í mikilvægasta knattspyrnuleik karlaliðsins okkar í áraraðir.

FÉLAG L U J T MÖRK NET STIG
1 KA 14 9 2 3 22 – 11 11 29
2 Grindavík 14 8 4 2 36 – 14 22 28
3 Keflavík 14 6 7 1 24 – 16 8 25
4 Leiknir R. 14 7 2 5 15 – 16 -1 23
5 Þór 14 7 1 6 18 – 21 -3 22
6 Selfoss 14 5 5 4 18 – 16 2 20
7 Haukar 14 5 2 7 21 – 27 -6 17
8 Fram 14 4 4 6 15 – 22 -7 16
9 Fjarðabyggð 14 3 5 6 21 – 23 -2 14
10 HK 14 3 5 6 18 – 25 -7 14
11 Huginn 14 3 4 7 12 – 19 -7 13
12 Leiknir F. 14 2 3 9 16 – 26 -10 9