Grindavík tekur á móti Breiðabliki í kvöld í Dominosdeild kvenna. Gengi Grindavíkur hefur verið upp og ofan framan af hausti og uppskeran 4 sigrar og 4 töp og situr liðið eins og er í 5. sæti. Fjögur efstu sætin gefa keppnisrétt í úrslitakeppninni. Blikar eru í næsta sæti fyrir neðan okkur, en hafa aðeins landað einum sigri og hlýtur sigur því að vera krafan í kvöld.

Leikjaplan Grindavíkur fram að áramótum er eftirfarandi:

30. nóvember: Haukar – Grindavík kl. 19:15
3. desember: KR – Grindavík kl. 19:15
6. desember: Hamar – Grindavík kl. 16:30 (bikarleikur)
10. desember: Snæfell – Grindavík kl. 19:15
14. desember: Grindavík – Keflavík kl. 19:15
17. desember: Valur – Grindavík kl. 19:15