Alexander Magnússon bakvörður Grindvíkinga er þessa dagana á reynslu hjá Sogndal í Noregi.  Alexander vakti athygli fyrir góða frammistöðu með Grindvíkingum á síðasta tímabili en hann var í lykilhlutverki hjá liðinu.

Sogndal er einnig með Svía og Finna á reynslu en þeir munu líkt og Alexander leika með liðinu í æfingamóti um næstu helgi.

,,Magnusson er spennandi bakvörður sem er góður með báðum fótum,” sagði Havard Flo aðstoðarþjálfari hjá Sogndal.

Sogndal rétt bjargaði sér frá falli í Noregi í haust en liðið endaði í fjórtánda sæti í úrvalsdeildinni og sigraði Sandefjord kjölfarið í umspilsleikjum um sæti á meðal þeirra bestu.

Hinn 22 ára gamli Alexander er uppalinn hjá Njarðvík en hann hefur leikið með Grindvíkingum undanfarin tvö ár.

Frétt: Fótbolti.net