Grindvíkingar hafa gengið frá samningum við nýjan erlendan leikmann sem mun leysa Eric Wise af hólmi eftir áramót. Sá nýji heitir Chuck Garcia og er 27 ára kraftframherji, 208 cm á hæð og rétt rúm 100 kg samkvæmt nýjustu mælingum. Garcia lék á sínum tíma með Aron Broussard, fyrrum leikmanni Grindavík, í Seattle háskólanum, en hann hvarf frá námi og gerði sig líklegan til að spila í NBA. Garcia fékk ekki samning í NBA en hann hefur þó leikið í D-deildinni svokölluðu, sem er þróunardeild NBA, og þá hann lék með Phoenix Suns í sumardeild NBA árið 2012.

Garcia er stór og stæðilegur leikmaður með töluverða reynslu, bæði úr Evrópu og Bandaríkjunum, og eru eðilega þó nokkrar vonir bundnir við að hann endurtaki nokkrar troðslur eins og þessa í vetur: