Það verður sannkallaður stórleikur í Röstinni í kvöld þegar Íslandsmeistarar KR koma í heimsókn. KR-ingar slógu ekki feilpúst framan af vetri og hafa setið á toppi deildarinnar frá fyrsta degi og aðeins tapað einum leik. Okkar menn sáu aldrei til sólar þegar liðin mættust í DHL höllinni í haust og tapaðist sá leikur 118-73. Eyjólfur hefur þó verið að hressast töluvert síðustu vikur og sigur í kvöld væri afar dýrmætur en eins og staðan er í dag er Grindavík fyrir utan úrslitakeppnina í 9. sæti.

Við hvetjum að sjálfsögðu alla Grindvíkinga til að mæta í Röstina og fylla stúkuna af gulum og glöðum stuðningsmönnum og styðja strákana til sigurs.

Áfram Grindavík!