Þann 24. október halda nokkrir grindvískir judokappar í víking til Bretlandseyja þar sem þeir ætla að gera strandhögg á alþjóðlegu judo móti í Southend , rétt austan við London. Hinir grindvísku kappar fara út í samfloti með judodeild Ármanns og óskum við þeim að sjálfsögðu góðs gengis á móti.

Í hópnum frá Grindavík eru, talið frá vinstri: Arnar Már Jónsson, þjálfari, og keppendur eru Guðjón Sveinsson, Björn Lúkas Haraldsson, Aron Snær Arnarsson og gamla kempan og reynsluboltinn í hópnum, Gunnar Jóhannsson.