UMFG

Snæfell - Grindavík í beinni á umfg.is!!

Höfundur Umsjónarmaður

miðvikudagur, 10 mars 2010

Stórleikur Grindavíkur á móti Snæfelli í Stykkishólmi á föstudagskvöld verður sýndur beint á umfg.is.

Eflaust gleðjast margir yfir þessum tíðindum en um mjög mikilvægan leik er að ræða í baráttunni um efstu sætin í Iceland Express deildinni.

Gullbarkinn Bensó kemst því miður ekki vestur til að lýsa leiknum og mun Sibbi reyna að fylla í skarðið.

Útsending mun hefjast kl. 19:00 eða 15 mínútum fyrir leik og verða tekin viðtöl fyrir leik við þjálfara og einhverja leikmenn jafnvel líka og svo verða vitaskuld viðtöl eftir leik.

Stórskemmtilegt viðtal við Eystein

Höfundur Umsjónarmaður
miðvikudagur, 10 mars 2010
Stuðningsmannaklúbbur Selfoss heldur úti síðunni selfoss.org þar sem þeir hafa fengið fólk í kringum aðra klúbba Pepsi deildarinnar í viðtal. Í dag er það Eysteinn Hauksson sem svarar spurningunum um m.a. ástæðuna fyrir góðu gengi Grindavíkur, áhrif erlenda leikmanna á liðið sem hann snýr við spurningunni og bendir fjölda uppalinna leikmanna og margt fleira. Lesa má viðtalið hérna

Lokastaðan í getraunaleik

Höfundur Umsjónarmaður
miðvikudagur, 10 mars 2010
Getraunaleikur sem meistaraflokkur karla í knattspyrnu er nú lokið. Eftir venjulegan "leiktíma" voru 13 manns efstir og jafnir með 9 stig og 14 manns með 8 stig og þurfti því að efna til bráðabana. Að honum loknum stóð Óli Þór Birgisson einn uppi sem sigurvegari og óskum við honum til hamingju með sigurinn. Lokastöðuna má sjá í hér Meistaraflokkur karla þakkar öllum fyrir stuðninginn og dregið verður úr í happdrættinu sem fylgir getraunaleiknum fljótlega.

Niðurstöður dómaraprófa

Höfundur Umsjónarmaður
miðvikudagur, 10 mars 2010
Á dögunum fór fram dómaranámskeið í Grindavík þar sem farið var yfir helstu reglur í knattspyrnulögunum. Alls tóku 17 manns á aldrinum 15 til 44 ára þátt og náðu allir prófinu. Sá sem lýkur þessu námskeiði öðlast réttindi til þess að dæma í 4. flokki og neðar og getur einnig verið aðstoðardómari í 2. flokki.

Þrjár stelpur í úrtakshópum KSÍ

Höfundur Umsjónarmaður
miðvikudagur, 10 mars 2010
Knattspyrnusamband Íslands er með æfingar hjá yngri landsliðum kvenna um helgina. Þrjár stelpur úr Grindavík hafa verið boðaðar á þessar æfingar. Þorlákur Árnason, þjálfari U-17 landsliðsins, hefur valið Hertu Pálmadóttir og Ingibjörgu Yrsu Ellertsdóttir. Þorlákur er einnig þjálfari U-16 ára liðsins og í það hefur hann valið Elísabet Ósk Gunnþórsdóttir. Allar þessar stelpur hafa verið byrjunarliðsmenn í flestum leikjum meistaraflokks Grindavíkur á undirbúningstímabilinu og staðið sig frábærlega og því vel að þessu vali komnar.

Konukvöld körfuboltans

Höfundur Umsjónarmaður
þriðjudagur, 09 mars 2010
Hið eina sanna styrktarkvöld körfuknattleiksdeildar kvenna verður haldið föstudaginn 19. mars í Eldborg. Húsið opnar kl 19.30 með fordrykk. Forsala aðgöngumiða verður í PALÓMA og hefst mánudaginn 8. mars. Dagskráin er á heimsmælikvarða: Dagskrá: - Veislustjórar eru engir aðrir en hinir „frábæru sexý erótísku óperu ídýfur" DAVÍÐ OG STEFÁN sem sjá um óvæntar uppákomur. - FM stjarnan Sigga Lund mætir með skemmtilega uppákomu. - Austurlenskt hlaðborð að hætti Láka. - Kynningar á skartgripum frá Palóma föt og skart. - Kynning á skóm og veskjum frá Gyðjunni. Nýja línan frá París, hver vill ekki vera eins og Paris Hilton eða Kylie Minouge. - Tískusýning á nýjustu línunni frá DESIGUAL, Palóma föt og skart. - Valin verður kona kvöldsins og fær hún að gjöf glæsilegan skartgrip. - Happdrætti, frábærir vinningar. Sætaferðir verða frá Eldborg að loknu konukvöldi.

Haukar 81- Grindavík 74

Höfundur Umsjónarmaður
þriðjudagur, 09 mars 2010
Grindavík mætti Haukum ,í seinni leiknum um þáttöku í úrslitakeppni Iceland Express deild kvenna, í gær á Ásvöllum. Haukastelpur sigruðu fyrri leikinn og með sigri gátu þær tryggt sér sæti í úrslitakeppninni og sent okkar stelpur í sumarfrí. Sú varð raunin því Haukar sigruðu leikinn 81-74. Í fyrsta leikhluta skiptust liðin á því að leiða og var því 23-23 eftir fyrsta leikhlutan nokkuð sanngjarnt. Grindavík tók forystuna í öðrum leikhluta og voru yfir þangað til stutt var í að dómarar flautuðu til hálfleiks en þá náðu heimastúlkur yfirhöndinni og staðan var 41-38 í hálfleik. Þriðji leikhlutinn var líkur öðrum leikhluta nema að þá byrjaði Haukar betur en með góðum kafla fyrir flautið náði Grindavík yfirhöndinni og leiddi með eins stiga mun. Fjórði og síðasti leikhlutinn var æsispennandi en endaði með sigri Hauka sem hafa bætt sig mikið á síðustu mánuðum og á eflaust eftir á ná langt í úrslitakeppninni. Grindavík hefur hinsvegar lokið keppni en mæta eflaust enn sterkari til leiks á næsta tímabili. Michele DeVault var stigahæst með 26 stig, Joanna Skiba með 16 og Helga Hallgrímsdóttir með 15 stig. Helga var með flest fráköst, 11 stykki, Michele 10 og Petrúnella 9. Skiba var með 5 stoðsendingar og Íris Sverrisdóttir 4. Kiki Lund var stigahæst Hauka með 30 stig. Myndir frá leiknum tók Tomasz Kolodziejski og hægt að sjá fleiri myndir hér

Haukar-Grindavík

Höfundur Umsjónarmaður
mánudagur, 08 mars 2010
Annar leikur Hauka og Grindavíkur í umspili fyrir úrslitakeppnina fer fram í kvöld. Haukar sigruðu fyrsta leikinn í Grindavík og get með sigri í kvöld komist áfram. Stelpurnar okkar ætla sér allt annað en að hætta keppni í kvöld og þurfa því stuðning frá sem flestum. Leikurinn hefst klukkan 19:15 og fer fram á Ásvöllum, Hafnarfirði.

Sigur í Lengjubikarnum

Höfundur Umsjónarmaður
mánudagur, 08 mars 2010
Stelpur úr Grindavík og Haukastelpur eru að mætast á vellinum ansi oft þessa dagana. Í gær fór fram leikur milli þessara liða í Lengjubikarnum í knattspyrnu og var þetta fyrsti leikur Grindavík í keppninni í ár. Leikurinn fór fram í Reykjaneshöllinni og endaði með 1-0 sigri Grindavíkur. Markið skoraði Elísabet Ósk Gunnþórsdóttir, 15 ára, en í liðið var skipað ungu og efnilegum stelpum í bland við "gamlar" kempur Eins og Báru Karlsdóttir og Ólöf Daðey Pétursdóttir. Í markinu stóð Ása Dögg Aðalsteinsdóttir sem valinn var leikmaður ársins hjá GRV í fyrra. Grindavík og Valur hafa gert samning um að Ása muni spila með Grindavík í sumar á lánssamningi og er það mikill fengur fyrir okkar lið. Grindavík mætir FH í Reykjaneshöllinni 14. mars næstkomandi klukkan 14:00 í annari umferð Lengjubikarsins.

Æfingarleikur á morgun

Höfundur Umsjónarmaður
laugardagur, 06 mars 2010
Meistaraflokkur karla í knattspyrnu undirbýr sig fyrir komandi sumar með æfingar- og Lengjubikarleikjum þessa dagana. Á morgun sunnudag mæta þeir Selfossi í æfingarleik í Kórnum Kópavogi. Leikurinn hefst klukkan 11:00

Grindavík-Haukar í beinni á Grindavik TV

Höfundur Bensó
laugardagur, 06 mars 2010
Grindavík-Haukar verður í beinni á Grindavík TV á eftir, Gullbarkinn Bensó sér um lýsinguna, þannig að það er um að gera að fylgjast með á netinu ef þið komist ekki á leikinn.. www.umfg.is/grindaviktv Leikur ÍG og Leiknis verður svo einnig sýndur klukkan 17.15

Meira...

<< Byrjun < Fyrri 1 2 3 4 5 6 7 8 9 10 Næsta > Endir >>

Niðurstöður 1 - 31 af 2170

[Tilbaka]