Körfuknattleiksdeild Grindavíkur og Þorbjörn hf. hafa gert með sér nýjan samstarfssamning til næstu þriggja ára. Þorbjörn hf. hefur um árabil stutt dyggilega að baki körfuboltanum í Grindavík og heldur það farsæla samstarf áfram.

Ingibergur Jónasson, formaður kkd. Grindavíkur, og Gunnar Tómasson, einn eigenda Þorbjarnar hf., undirrituðu nýjan samning síðdegis í dag.

„Það er ekki sjálfgefið á þessum tímum að eiga stuðningsaðila líkt og Þorbjörn hf. sem stutt við körfuboltann í Grindavík af krafti um langt skeið. Með öflugum stuðningi frá atvinnulífinu í Grindavíkur hefur okkur tekist að ná frábærum árangi á íþróttasviðinu og ég er þess fullviss að á þeirri braut höldum við áfram,“ segir Ingibergur Jónasson.

Kkd. Grindavíkur vill koma á framfæri kærum þökkum til Þorbjarnar hf. fyrir ómentanlegan stuðning.