Grindavík tók á móti Keflavík í gær í Dominosdeild karla. Leiknum lauk með sigri Grindavíkur 94-83. Okkar menn eru á góðri siglingu þessa dagana og á hárréttum tíma því stutt er í úrslitakeppnina.
Í stuttu máli var Grindavík betri aðilinn í leiknum og voru yfir mest allan tíman en gestirnir aldrei langt undan, sigurinn var því verðskuldaður.
Stigaskorið dreifðist á línuna þar sem 7 leikmenn voru með 8 stig eða meira í leiknum. Lalli með annan góðan leik í röð með 17 stig í gær ásamt Earnest Lewis
Þó að sigurinn hafi verið sætur þá hefði það verið sætara að sigra með 15 stigum. Þannig hefði innbyrðis viðureignir liðanna verið okkur í hag. Núna eru tvö stig á milli liðanna og tveir leikir eftir.
Næsti leikur er gegn Þór í Þorlákshöfn 13. mars og í síðasta leiknum í deildinni, 16. mars, tökum við á móti Pál Axel, Ármanni og félögum í Skallagrím.