Björn Steinar tryggði okkur glæsilegan sigur með 3. stiga skoti þegar skammt lifði leiks á móti Keflavík á útivelli í kvöld og þar með höfum við 3. leikja forystu í deildinni, þökk sé flottum sigri Bárðar Eyþórssonar og lærisveina hans í Tindastóli á móti Stjörnunni á útivelli!

Af live stat-inu að dæma var þessi leikur hnífjafn allan tímann fyrir utan ótrúlega sveiflur í 2. leikhluta! Keflavík skoraði þá 18-2 en við svöruðum því með 21-0 kafla…..  Jafnt virðist hafa verið á öllum tölum til loka en við alltaf aðeins á undan þar til Keflavík komst yfir þegar skammt lifði leiks en Bjössi tryggði okkur sigurinn eins og áður sagði með 3. stiga skoti þegar 8 sekúndur lifðu leiks.  Parker átti lokaskotið sem geigaði og verulega sætur sigur því staðreynd!

Bullock er bara í ruglinu!!!  33 stig og 19 fráköst hjá nautinu í kvöld!  Watson og Jói báðir með 15 stig og eru bara einfaldlega frábærar fréttir fyrir okkur að Jói er búinn að finna fjölina sína en í kvöld setti hann 4/7 3-stiga skotum sínum niður.  Bjössi, Lalli og Siggi settu 6 stig og Óli 3.  Nýji maðurinn Ryan, skilaði 10 mínútum og setti 2 stig en honum á bara eftir að vaxa ásmegin.  Siggi Þorsteins varði 3 skot og tók 7 fráköst og þeir Ryan, Bullock og Watson vörðu allir 1 skot.

Gleymum ekki að Paxel var ekki með en hann er byrjaður að æfa og mætir vonandi til leiks sem fyrst.

Líf og fjör og næst er það Fjölnir á heimavelli.  Þann leik mun ég sjá og get vonandi skrifað viturlegri pistil eftir þann leik en þá síðustu sem ég hef ekki séð….

Áfram Grindavík!