Ungir körfuboltaiðkendur úr Grindavík hafa komið sér fyrir í nýjum liðum út um allt land og það hafa orðið sannkallaðir fagnaðarfundir á fyrstu mótum haustsins þar sem gamlir vinir hafa hist á ný í nýjum búningum. Við höfum fengið nokkrar myndir sendar sem við deilum áfram hér en ef þið lumið á fleiri myndum sem þið viljið koma á framfæri má gjarnan senda þær á umfg@umfg.is

Þarna glittir í gulan Grindavíkurbúning undir Haukabúningnum

Strákarnir hans Palla samankomnir, í þremur nýjum liðum en sumir ennþá að æfa með honum!

Grindvíkingar í Keflavík, Njarðvík og Breiðabliki samankomnir á Stykkishólmi

Nýtt lið, sömu búningar! Breiðablik og Grindavík tefla fram sameiginlegu liði í 12. flokki en liðið spilar í Grindavíkurbúningunum