Grindavík tók á móti Keflavík í Lengjubikarnum í kvöld.  Enginn erlendur leikmaður lék með Grindavík í kvöld þar sem samning við Chris Stephenson var sagt upp líkt og sést hér fyrir neðan.

Kanaleysi kom að sjálfsögðu ekki að sök og vann Grindavík leikinn nokkuð örugglega 99-82.

Fyrsti leikhluti lagði grunninn að sigrinum þar sem staðan var 25-9 eftir leikhlutann.

Bræðurnir Ólafur Ólafsson og Þorleifur Ólafsson voru stigahæstir í kvöld með 17 og 16 stig.  Jóhann Ólafsson var einnig með 16 stig þannig að stigaskorið dreifist á milli manna.

Næsti leikur Grindavíkur í Lengjubikarnum fer fram á þriðjudaginn í 8 liða úrslitum.