Stelpurnar fóru í Garðabæinn í gær þar sem þær mættu Stjörnunni í Pepsi deild kvenna
Stjarnan var fyrir leikinn í toppbaráttunni en Grindavík á hinum endanum. Enn aftur í sumar virðist Grindavík hafa átt ágætan leik en uppskar ekki nóg og er því enn með eitt stig á botninum eftir 3-1 sigur Stjörnunnar. Að vísu er ekki langt í næstu lið, Afturelding með 4 stig, Þróttur 5 og KR 7.
Næsti leikur liðsins er gegn Fylki í Grindavík þann 12. júlí og eftir þann leik er mótið hálfnað. Þrjú stig í næsta leik og stigin fara að hrannast inn í seinni helming mótsins.
Myndir frá leiknum á fotbolti.net og er myndin hér að ofan fengið þar.