Sigurbjörg Eiríksdóttir hefur skrifað undir nýjan samning við Grindavík og mun leika með félaginu næstu tvö keppnistímabil. Sigurbjörg er uppalin hjá Grindavík og lék með yngri flokkum félagsins.

Sigurbjörg leikur í stöðu hægri bakvarðar og hefur leikið 30 leiki í deild og bikar á ferlinum. Hún lék 17 leiki með Grindavík á síðustu leiktíð sem fagnaði sigri í 2. deild kvenna.

„Við erum afar ánægð með að Sigurbjörg verði áfram hjá Grindavík næstu tvö keppnistímabil. Hún hefur bætt sig mikið á undanförnum árum og við væntum mikils af henni í sumar. Sigurbjörg er góður liðsmaður og leggur sig alla fram fyrir liðið,“ segir Petra Rós Ólafsdóttir, formaður kvennaráðs.

Knattspyrnudeild Grindavíkur fagnar því að Sigurbjörg verði áfram í gulu næstu tvö ár!