Knattspyrnudeild Grindavíkur verður með opnar aukaæfingar fyrir 5. og 4. flokk stráka og stelpna næstu sunnudagsmorgna. Æfingarnar eru liður í verkefni hjá Knattspyrnudeild Grindavíkur um að bjóða öllum iðkendum á þessum aldri tækifæri á að sækja æfingu hjá afreksþjálfara. Með því móti gefst áhugasömum iðkendum tækifæri á að bæta getu sína og færni.

Næstu tvo sunnudaga verða opnar aukaæfingar á eftifarandi tíma í Hópinu:

Sunnudaginn 13. desember 2020:
Kl. 10:00 – 5. flokkur stráka og stelpna
Kl. 11:00 – 4. flokkur stráka og stelpna

Sunnudaginn 20. desember 2020:
Kl. 10:00 – 5. flokkur stráka og stelpna
Kl. 11:00 – 4. flokkur stráka og stelpna

Við hvetjum alla áhugasama iðkendur til að mæta á þessar æfingar. Ekki þarf að skrá sig á æfingarnar – bara að mæta og taka þátt.

Stefna knattspyrnudeildar er að geta boðið upp á opnar aukaæfingar í framtíðinni á sunnudagsmorgnum.

Aukaæfingar fyrir iðkendur í 3. og 2. flokki hjá báðum kynjum eru einnig í bígerð og verða kynntar á næstu dögum.