Grindavík fer í efra Breiðholtið í dag þar sem þeir mæta Leikni í 18.umferð 1. deild karla.  Heil umferð fer fram í dag og spennan mikil um sæti í efstu deild.

Grindavík situr á toppi deildarinnar með 33 stig en Leiknir í 6. sæti með 28 stig.  Upplagt er að byrja Menningarnóttina á því að styðja við strákana á Leiknisvelli.  Liðin hafa tvisvar mæst á Leiknisvelli, 2007 sigraði Grindavík 2-0 með mörkum frá Paul McShane og Scott Ramsay.  Árið 2001 mættust liðin í Coca-Cola bikarnum þar sem Paul McShane, Sinisa Kekic, Óli Stefán Flóventsson og Grétar Ólafur Hjartarson skorðu mörkin i 4-1 sigri.