Grindavík hóf leik í 1.deild karla í gær þegar þeir tóku á móti Víking.  Leikurinn fór 2-1 fyrir gestina.

Fréttaritari umfg.is er ekki staddur á landinu og missti því af leiknum.  En Íslandsmeistarinn Björn Steinar Brynjólfsson var á staðnum og er hér fyrir neðan umfjöllun hans af leiknum fyrir fótbolti.net

1.deildin fór af stað með pompi og prakt í dag þar sem 6 leikir voru spilaðir.
Leikur Grindavíkur og Víkings R. var eins og við var að búast, tvö góð lið sem ætla sér að vera á toppnum í sumar og vilja eðlilega reyna að vera með þeim bestu að ári.

Grindvíkingar byrjuðu leikinn ákveðnari, þeir fengu tvö færi snemma leiks. Nýji leikmaður Grindavíkur Stefán Þór Pálsson átti skalla yfir markið eftir sendingu frá Jordan Edridge. Strax á eftir fengu heimamenn dauðafæri. Magnús Björgvinsson var þá við endalínu inní teig Víkings, Magnús gaf boltann inní teig þar sem Alex Freyr Hilmarsson var einn á auðu sjó en átti laust skot sem að Ingvar Þór Kale varði.

Gegn gangi leiksins í byrjun þá var mark komið. Hin ungi leikmaður Grindavíkur Daníel Leó Grétarsson varð fyrir því ólani að skora sjálfsmark eftir að hann ætlaði skalla boltann aftur fyrir sig á Óskar Pétursson í markinu, en Óskar var komin of langt útúr markinu og boltinn for yfir Óskar og í autt markið.

Síðari hálfleikur var mun betur leikinn af báðum liðum.
Viktor Jónsson var varla kominn inná sem varamaður og hann var búinn að skapa sér færi þegar hann fékk sendingu inn fyrir vörn Grindavíkur en Óskar Pétursson sá við honum.

Liðin skiptust á að komast í færi. En heimamenn fegnu upplagt tækifæri til þess að jafna leikinn. Daníel Leó Grétarsson fékk þá boltann við miðju og brunaði upp völlinn í hraðaupphlaupi. Daníel gaf þá stungu sendingu inn fyrir vörn Víkings á Hafþór Ægir Vilhjálmsson og átti hann Ingvar Þór Kale í markinu eftir, Hafþór átti þá skot með hægri fæti en Ingvar Þór Kale varði glæsilega frá honum.

Á þessum tímapunkti í leiknum virtist mark vera í lotftinu því heimamenn búnir að fá allmargar stórhættulegar hornspyrnur sem þeir voru ekki nógu gráðugir að nýta. Jósef Kristinn Jósefsson átti þá skot inní teig vinstra megin í teignum en Ingvar sá við honum. Stefán Þór Pálsson stimplaði sig inní leikinn stuttu eftir þetta þegar hann fékk sendingu frá Magnúsi Björgvinssyni, Stefán Þór átti þá aðeins eftir Ingvar Þór Kale í markinu, Ingvar kom út á móti honum en Stefan var rólegur á boltanum og lék á Ingvar í markinu og lagði boltan snyrtilega í autt markið.

Engin meðbyr var með marki heimamanna því Víkingur var ekki lengi að ná forystu aftur í leiknum. Sending kom þá frá vinstri kanti frá Pape Mamadou Faye inní teig, Dofri Snorrason fékk allan þann tíma sem hann þurfti inní teig og skaut boltanum í vinstra hornið framhjá Óskari Péturssyni í markinu. Heimamenn ef til vill aðeins of seinir að fara út í Dofra Snorrason.

Viktor Jónsson átti stangarskot stuttu síðar eftir sendingu frá Dofra Snorrasyni, Pape Mamadou Faye mætti frákastinu og gaf fyrir á Hjört Hjartarson sem hitti boltan ekki nógu vel og Óskar greip knöttin,

Víkingur R. sóttu stigin þrjú sem voru í boði og voru þeir góðir allan leikin og má þakka Ingvari Þór Kale fyrir að þeir fara glaðir heim því hann varði oft á tíðum mjög vel í marki Víkings. Heimamenn geta bitið sig í handabökin á því að nýta ekki sín færi nógu vel. Mjög sveiflukenndur leikur hjá Grindavik.