Grindavík heldur toppsætinu og tveggja stiga forskoti með sigri á Leikni í gær 2-1.

Grindavík var töluvert betra liðið á vellinum í gær en samt bara eitt mark sem skildi að.  Stefán Pálsson skoraði fyrsta mark leiksins á 9. mínútu.  Þrátt fyrir sóknarþunga náðu okkar menn ekki að bæta marki við.  Stefán Pálsson skoraði annað mark leiksins á 48. mínútu en reyndar í eigið mark eftir hornspyrnu.  Magnús Björgvinsson kom inn á 70. mínútu og skoraði sigurmarkið 11 mínútum seinna og lokastaðan því 2-1.

Grindavík er því ennþá með tveggja stiga forskot á toppi 1.deildar með 36 stig. Haukar og Fjölnir eru bæði með 34 stig og má því ekkert gefa eftir. 

Fjórar umferðir eru eftir:

Selfoss-Grindavík 29.ágúst
Grindavík-Fjölnir  5.sept
KF-Grindavík      14.sept
Grindavík-KA      21.sept