Eftir ósigur i Eyjum í gær er orðið ljóst að Grindavík spilar í næst efstu deild að ári.

Leiknum lauk með 2-1 sigri ÍBV.  Heimamenn komust í 2-0 með mörkum á 23. og 31. mínútu.  Hafþór Ægir Vilhjálmsson minnkaði muninn á 51. mínútu en okkar menn komust ekki lengra.  Er þá farinn síðasti möguleikinn á að halda sér uppi.

Grindavík lenti í þessari sömu aðstöðu 2007 en þá þjöppuðu menn sér saman og fóru beint upp aftur.  Einhverja endurskipulagningu þarf að fara í á næstu mánuðum en þessi mannskapur sem við erum með á fullt erindi í efstu deild, það þarf bara að reyna að halda sem flestum áfram.  Sömuleiðis eru nokkrir efnilegir að koma upp úr yngri flokkum og fá þeir væntanlega meiri spilatíma í 1.deild næsta sumar.