Nú stendur yfir knattspyrnuskóli Grindavíkur sem ber yfirskriftina Æft að hætti atvinnumanna. Um 70 krakkar eru á námskeiðinu sem er tvískipt og er fyrir krakka á aldrinum 1.-8. bekk. 

Mikil áhersla er lögð á að einstaklingurinn fái að njóta sín í skólanum, unnið er í litlum hópum og er markmiðið að hver og einn fá góða innsýn í æfingaheim þeirra sem hafa atvinnu af því að stunda knattspyrnu. Skólinn er ekki síður fyrir markmenn en útileikmenn, enda er boðið upp á sérstaka markmannsþjálfun.

Á myndinni eru krakkarnir í yngri hópnum ásamt leiðbeinendum sínum, Óskari Péturssyni markverði og fyrirliða Grindavíkurliðsins, Ægi Viktorssyni yfirþjálfara yngri flokka Grindavíkur og Elísabet Ósk Gunnþórsdóttur leikmanni meistaraflokks kvenna.