Stelpurnar aftur á sigurbraut
Stelpurnar aftur á sigurbraut

Grindavíkurkonur unnu góðan sigur á ÍR-ingum í gær hér í Mustad-höllinni, lokatölur 72-51 í leik sem var nokkuð örugglega í höndum Grindvíkinga allan tímann. Hittni Grindvíkinga fyrir utan þriggjastigalínuna var með besta móti í þessum leik, 10/25 og setti Angela Rodriguez 4 þrista í 8 tilraunum en hún var stigahæst heimastúlkna með 23 stig og bætti við 9 fráköstum. 

Karfan.is var með fréttaritara á staðnum sem gerði leiknum góð skil:

Fyrirfram var ekki búist við spennandi leik á milli Grindavíkur og ÍR í 1. deild kvenna í Mustad-höllinni í kvöld og gengu spádómarnir eftir, öruggur 72-51 sigur heimakvenna. Grindavík tapaði síðasta leik sínum, á móti Fjölni og það nokkuð illa og eflaust mættu þær með auka blóð á tönnum fyrir þennan leik því annað tapið í röð var ekki valmöguleiki!

Þáttaskil
Þáttaskil ef þáttskil skyldi kalla, komu eftir hálfleikinn en þá mættu heimakonur mun grimmari til leiks og héldu gestunum í einungis 8 stigum. Eftir það var munurinn einfaldlega orðinn of mikill, 59-36. ÍR-stelpurnar létu þó ekkert valta endanlega yfir sig og unnu loka fjórðunginn, 13-15 en öruggur heimasigur raunin eins og áður sagði, 72-51.

Tölfræðin lýgur ekki
Angela og Embla eru miklar yfirburðarkonur í liði Grindavíkur og eðlilega kannski, Angela bandarískur leikmaður liðsins og Embla íslensk landsliðskona. Þrátt fyrir yfirburðina þá er greinilega keppikefli Angelu sem þjálfara, að þær einoki ekki leikinn og fá aðrir leikmenn alveg sín skot. Þær stöllur tóku 27/70 (38,5%) skota Grindavíkur og er það vel innan allra skekkjumarka.

Hjá ÍR vakti nafna undirritaðs (Sigurbjörg vs. Sigurbjörn) mesta athygli hans og ekki eingöngu vegna nafnsins. Hún skilaði flestum framlagspunktum og það þrátt fyrir að skora bara 4 stig. Þarna sannast svo sannarlega að hægt er að leggja í púkkið á marga aðra vegu en með því að koma boltum sjálfur/sjálf ofan í körfuna! Eins gekk ÍR liðinu betur þegar Sigurbjargar naut við inni á vellinum en þær 24 mínútur sem hún spilaði tapaði ÍR bara með 9 stigum.

Hetjan

Þar sem ekkert amerískt smjörbragð var af þessum endi þar sem engin var spennan, þá ætla ég einfaldlega að sleppa því að reyna tilnefna hetju leiksins. Grindavíkurliðið einfaldlega betur mannað og með betra lið. Angela og Embla eins og áður segir, miklir yfirburðarmenn(konur). ÍR teflir í fyrsta sinn í langan tíma fram kvennaliði og er það vel. Þarna virðist stefnan vera að hafa sígandi lukku sem venjulega gefur góða raun. Þarna eru ungar íslenskar stelpur sem hafa greinilega gaman af því að spila körfubolta og var gaman að horfa á þær í kvöld.

Kjarninn

Eins og oft kemur fram í viðtölum þá er einfaldlega „áfram gakk" Þótt bæði lið leggi þetta tímabil upp með uppbyggingu að leiðarljósi þá er alveg ljóst að þær gulu ætla sér aftur upp í Dominos. Smávægilegt bras hefur verið á liðinu, m.a. meiðsl Angelu og svo þurfti Embla að taka sér leyfi um daginn en þegar vélin verður farin að malla á réttum snúningi þá hlýtur þetta lið að ætla sér upp! ÍR-liðið flott eins og áður sagði og verður gaman að fylgjast með því í framtíðinni.

Tölfræði leiks


Umfjöllun, viðtöl / Sigurbjörn Daði Dagbjartsson

Nýlegar fréttir

ţri. 9. jan. 2018    Strákarnir lágu gegn Haukum á Ásvöllum
ţri. 9. jan. 2018    Strákarnir lágu gegn Haukum á Ásvöllum
ţri. 9. jan. 2018    Strákarnir lágu gegn Haukum á Ásvöllum
ţri. 9. jan. 2018    Ungir og efnilegir íţróttakappar fengu hvatningarverđlaun UMFG á gamlársdag
mán. 8. jan. 2018    Ólafur Ragnar Sigurđsson stuđningsmađur ársins 2017
mán. 8. jan. 2018    Grindavík rúllađi yfir Ţórsara í endurkomu Bullock
mán. 8. jan. 2018    Stelpurnar töpuđu gegn Hamri á útivelli
mán. 8. jan. 2018    Aron Jóhannsson til Grindavíkur
mán. 8. jan. 2018    Grindin firmamótsmeistari 2017
fös. 5. jan. 2018    Dósasöfnun meistaraflokks kvenna međ breyttu sniđi
fös. 5. jan. 2018    Heilsufarsmćlingar á Reykjanesi í febrúar
fim. 4. jan. 2018    Arnar Már Ólafsson er Grindvíkingur ársins 2017
fim. 4. jan. 2018    Matseđill nćstu viku í Víđihlíđ
miđ. 3. jan. 2018    Óskilamunir í íţróttamiđstöđinni á leiđ í Rauđa krossinn
miđ. 3. jan. 2018    Ţrettándagleđin í Grindavík - dagskrá
sun. 31. des. 2017    Dröfn og Ólafur íţróttafólk ársins 2017
lau. 30. des. 2017    Áramótapartý á Fish house á gamlárskvöld
fös. 29. des. 2017    Hált í sleipu á Fish house í kvöld
fös. 29. des. 2017    20 ára afmćlisball Geimfaranna
fim. 28. des. 2017    Kjör á íţróttamanni og íţróttakonu Grindavíkur 2017
fim. 28. des. 2017    Opiđ sviđ á Bryggjunni á morgun
fim. 28. des. 2017    Firmamót Eimskips og GG á morgun, skráningu lýkur í dag
fim. 28. des. 2017    Matseđill ţessarar og nćstu viku í Víđihlíđ
mán. 25. des. 2017    Jólakveđja frá Grunnskóla Grindavíkur
lau. 23. des. 2017    Jólakveđja frá Grindavíkurbć
Grindavík.is fótur