Grindavík lagđi Skallagrím og tryggđi sér 4. sćtiđ
Grindavík lagđi Skallagrím og tryggđi sér 4. sćtiđ

Grindavík tryggði sér í kvöld 4. sætið í Domino's deild karla með nokkuð auðveldum sigri á Skallagrími. Gestirnir höfðu að engu að keppa en þeir voru þegar fallnir úr deildinni. Leikurinn varð því aldrei sérlega spennandi þrátt fyrir að vera nokkuð jafn á köflum. Grindvíkingar voru einfaldlega allan tímann skrefi framar og kláruðu leikinn örugglega, 101-89. Grindavík mætir Þór frá Þorlákshöfn í fyrstu umferð úrslitakeppninnar.

Grindavik.is og karfan.is voru eins og svo oft áður í samstarfi í kvöld og fréttaritari okkar skrifaði umfjöllun um leikinn sem birtist einnig á karfan.is fyrr í kvöld:

Grindavík tryggði sér fjórða sætið auðveldlega
Skallagrímsmenn kvöddu deildina hljóðlega 

Skallagrímsmenn heimsóttu Mustad-höllina í sínum síðasta leik í Domino's deildinni í bili. Borgnesingar voru þegar fallnir fyrir lokaumferðina og voru því eingöngu að spila upp á stoltið og tækifæri til að spilla vonum heimamanna um 4. sætið í deildinni og heimaleikjarétt í fyrstu umferð úrslitakeppninnar. Þeir virtust þó vera búnir að henda handklæðinu inn fyrir leik og gerðu sig aldrei sérlega líklega til að veita Grindvíkingum harða mótspyrnu.

Kjarninn
Þrátt fyrir að leikurinn hafi verið jafn á köflum virtist sigur Grindavíkur aldrei í hættu. Í hvert sinn sem Skallarnir nálguðust settu heimamenn nokkrar körfur í röð og komu sér aftur í þægilega stöðu. Þeir fengu gott framlag frá mörgum leikmönnum en Jóhann Þór Ólafsson þjálfari var þó ekki sáttur í leikslok og sagði að sínir menn hefðu verið flatir. Þeir þurfa aðeins að spýta í lófana fyrir næsta leik en Grindavík mætir Þór frá Þorlákshöfn í 8-liða úrslitum deildarinnar.

Hetjan
Lewis Clinch Jr. ákvað að segja hingað og ekki lengra í seinni hálfleik og setti í fluggírinn á köflum þar sem hann skoraði nánast af vild. Eftir að hafa haft frekar hægt um sig í fyrri hálfleik (3 stig) endaði hann stigahæstur Grindvíkinga með 25 stig og bætti við 10 fráköstum og 8 stoðsendingum. Dagur Kár hafði verið öflugur framan af en lenti í villuvandræðum og steig Lewis þá sterkt upp og stjórnaði leik Grindvíkinga af festu og leiddi liðið til sigurs.

Tölfræðin lýgur ekki

Flenard Whitfield skoraði 50 stig í kvöld og fékk opið skotleyfi fyrir utan þriggja frá Finni Jónssyni þjálfara sínum sem heyrðist ítrekað kalla "Shoot it! Shoot it!" þegar Flenard nálgaðist þriggja stiga línuna. Hann setti 6 slíkar í kvöld þó úr 17 tilraunum og var svo til eini leikmaður Skallagríms sem virtist vera með einhverju lífsmarki. Hann setti líka nokkrar svakalegar troðslur og var í raun óstöðvandi en því miður fyrir Borgnesinga virtust liðsfélagar hans ekki hafa mikinn metnað fyrir því að bakka hann upp. Sigtryggur Ari Björnsson var sá eini í liðinu sem komst í tveggja stafa tölu, skoraði 17 stig. Næstu menn voru með 7 stig.

Tölfræði leiks

Umfjöllun og mynd: Siggeir F. Ævarsson

Nýlegar fréttir

ţri. 8. ágú. 2017    Ađalfundur Verkalýđsfélags Grindavíkur 22. ágúst
ţri. 8. ágú. 2017    Sumartími á Grindavik.is nćstu tvćr vikur
fim. 3. ágú. 2017    Grindavík leikur gegn Stjörnunni í kvöld - Róbert ósáttur viđ KSÍ
fim. 3. ágú. 2017    Miđgarđur lokađur ađ hluta vegna framkvćmda
ţri. 1. ágú. 2017    Opiđ sviđ á Bryggjunni í 30. sinn
fim. 3. ágú. 2017    Björgunarvesti í bođi fyrir bryggjudorgara
fim. 3. ágú. 2017    Golfnámskeiđ fyrir byrjendur hefst 9. ágúst
miđ. 2. ágú. 2017    Bćjarskrifstofurnar lokađar á föstudaginn
miđ. 2. ágú. 2017    Bókasafniđ lokađ á föstudag
ţri. 1. ágú. 2017    Kynningarfundur fyrir foreldra barna fćdd 2011
ţri. 1. ágú. 2017    Sirkussmiđja Húlladúllunnar 14.-18. ágúst - skráning hafin
ţri. 1. ágú. 2017    Ţriđja tapiđ í röđ stađreynd hjá Grindavík
mán. 31. júl. 2017    Grindavík - Víkingur í kvöld kl. 19:15
mán. 31. júl. 2017    Fćreyski landsliđsmađurinn Rene Joensen til Grindavíkur
fös. 28. júl. 2017    Hitađ upp fyrir Ţjóđhátíđ á Fish house
ţri. 25. júl. 2017    Edu Cruz og Simon Smidt í Grindavík
ţri. 25. júl. 2017    Angela Rodriguez ţjálfar stelpurnar í vetur - sex leikmenn skrifuđu undir
ţri. 25. júl. 2017    Knattspyrnudeild UMFG auglýsir eftir yfirţjálfara
ţri. 25. júl. 2017    Fimleikadeild UMFG auglýsir eftir ţjálfurum
ţri. 25. júl. 2017    Grillveisla í Víđihlíđ
fös. 14. júl. 2017    Sumartími á Grindavik.is
fös. 14. júl. 2017    Klókir litlir krakkar - námskeiđ fyrir foreldra barna međ kvíđaeinkenni
fös. 14. júl. 2017    Ađsóknartölur á tjaldsvćđinu slá öll met
fim. 13. júl. 2017    Knattspyrnudeild UMFG og HS Orka framlengja samstarfssamning sinn
miđ. 12. júl. 2017    Útivist í Reykjanes Geopark - gengiđ um Eldvörp á morgun
Grindavík.is fótur