Mjúkir Grindvíkingar steinlágu gegn stinnum Stjörnumönnum
Mjúkir Grindvíkingar steinlágu gegn stinnum Stjörnumönnum

Grindavík tapaði tveimur dýrmætum stigum í baráttunni um 4. sætið í Domion's deild karla í gær þegar þeir töpuðu heima gegn Stjörnunni, lokatölur 77-96 í Mustad-höllinni.

Karfan.is gerði leiknum ítarlega skil:

Byrjunarlið Stjörnunnar með 89 stig í sigri á Grindavík

Stjarnan sótti tvö stig í Mustad-höllina í kvöld með 77-96 útisigri á Grindavík. Heimamenn hótuðu í þriðja leikhluta að gera þetta að alvöru lokaspretti en Garðbæingar fóru vel með fjórða leikhluta og unnu öruggan sigur. Fjölbreytt og gott framlag byrjunarliðmanna Stjörnunnar vó þungt í kvöld á meðan Grindavíkingar hefðu mátt mæta grimmari í sínar aðgerðir og þá sérstaklega á varnarendanum en 96 stig er það næstmesta sem þeir hafa fengið á sig á heimavelli í vetur, aðeins Þór Akureyri hefur gert betur með 97 stig í fjórðu umferð deildarinnar.

Liðin fóru hnífjöfn upp úr startblokkunum en þar sem heimamenn fundu ekki eldmóðinn í vörninni komust Stjörnumenn í 16-24 eftir sjö mínútna leik. Grindvíkingar færðu þá varnarbeltið upp um gat og ekki vanþörf á lausgyrtum buxunum og fyrir vikið náðu þeir 7-2 spretti í lok fyrsta leikhluta og staðan 23-26 fyrir Stjörnuna að honum loknum.

Eysteinn Bjarni Ævarsson fór vel af stað hjá Stjörnunni í kvöld með 13 stig á 15 mínútum í fyrri háflleik en það er aðeins stigi minna en hans stigahæstu leikir á tímabilinu en hann hefur í tvígang skorað 14 stig í vetur í deildinni fyrir Stjörnuna, gegn Snæfell og Þór Þorlákshöfn.

Stjörnumenn voru með frumkvæðið allan fyrri hálfleik, heilt yfir meiri ákefð í bláum í vörninni og heimamenn í Grindavík oft hirðulausir í sínum aðgerðum og mesta mildi að munurinn var ekki nema fjögur stig eða 45-49 í háflleik.

Téður Eysteinn var með 13 stig í hálfleik hjá gestunum og þeir Hlynur Bæringsson og Anthony Odunsi voru báðir með 12 stig en hjá heimamönnum í Grindavík var Lewis Clinch með 13 stig og Ólafur Ólafsson með 11.

Skotnýting liðanna í hálfleik:
Grindavík: Tveggja 65% - þriggja 9% (1-11) og víti 66%
Stjarnan: Tveggja 46% - þriggja 33% og víti 90%

Stjörnumenn settu upp skotsýningu í upphafi síðari hálfleiks, fjórar sóknir í röð smelltu þeir niður þristum og komust fljótlega í 51-67 og þessi fína byrjun gestanna lauk þegar tæknivilla var dæmd á Dag Kár í liði Grindavíkur. 6-18 byrjun og allt útlit fyrir að nú væru Stjörnumenn búnir að gera út um leikinn. Grindvíkingar spyrntu við á hárréttum tíma og héldu Stjörnunni í aðeins fjórum stigum næstu fimm mínútur með öflugum varnarleik! Staðan 63-73 að loknum þriðja leikhluta og útlitið orðið nokk bjartara fyrir Grindvíkinga.

Munurinn var jafnan um tíu stig í fjórða leikhluta og síðasta spölinn reif Stjarnan muninn upp í 19 stig og lokatölur reyndust 77-96. Byrjunarliðsmenn Stjörnunnar voru allir með 12 stig eða meira í kvöld og stigahæstur var Anthony Odunsi með 21 stig og Hlynur Bæringsson tók far með tvennuvagninum með 18 stig og 11 fráköst. Eysteinn Bjarni Ævarsson átti sinn besta leik í vetur með Stjörnunni með 19 stig og 4 fráköst.

Hjá Grindavík var Ólafur Ólafsson stigahæstur með 26 stig og 6 fráköst og Lewis Clinch bætti við 19 stigum og 6 fráköstum.

Jóhann Þór Ólafsson, þjálfari Grindavíkur, sagði að sínir menn hefðu verið mjúkir varnarlega í leiknum:

Tölfræði leiksins

Grindavík-Stjarnan 77-96 (23-26, 22-23, 18-24, 14-23)

Grindavík: Ólafur Ólafsson 26/6 fráköst, Lewis Clinch Jr. 19/6 fráköst, Dagur Kár Jónsson 11, Ingvi Þór Guðmundsson 8/6 fráköst, Þorleifur Ólafsson 5, Ómar Örn Sævarsson 4, Þorsteinn Finnbogason 2/4 fráköst, Jens Valgeir Óskarsson 2, Sverrir Týr Sigurðsson 0, Kristófer Breki Gylfason 0, Magnús Már Ellertsson 0, Hamid Dicko 0.
Stjarnan: Anthony Odunsi 21, Tómas Heiðar Tómasson 19/6 fráköst, Eysteinn Bjarni Ævarsson 19/4 fráköst, Hlynur Elías Bæringsson 18/11 fráköst/6 stoðsendingar, Marvin Valdimarsson 12/8 fráköst, Arnþór Freyr Guðmundsson 5/6 fráköst, Ágúst Angantýsson 2, Egill Agnar Októsson 0, Óskar Þór Þorsteinsson 0, Brynjar Magnús Friðriksson 0, Tómas Þórður Hilmarsson 0, Magnús Bjarki Guðmundsson 0.

 

Nýlegar fréttir

fim. 5. okt. 2017    Orđsending frá körfuknattleiksdeild UMFG - tímabiliđ rúllar af stađ
fim. 5. okt. 2017    Andri og Linda bestu leikmenn Grindavíkur sumariđ 2017
fim. 5. okt. 2017    Stelpurnar af stađ međ látum
miđ. 4. okt. 2017    Lýđheilsuganga í dag kl. 18:00 - saga
miđ. 4. okt. 2017    Starfsdagur í tónlistarskólanum fimmtudaginn 5. október
ţri. 3. okt. 2017    Grindavíkurkonum spáđ 2. sćti 1. deildar - Fyrsti leikur í kvöld
ţri. 3. okt. 2017    Sunna Gunnlaugs og Maarten Ornstein á Bryggjunni annađ kvöld
ţri. 3. okt. 2017    Forvarnardagurinn 2017
ţri. 3. okt. 2017    Opiđ sviđ á Bryggjunni á föstudaginn
ţri. 3. okt. 2017    Rene Joensen áfram í Grindavík
ţri. 3. okt. 2017    Prjónakaffi í Flagghúsinu miđvikudaginn 4. okt. kl. 20:00
ţri. 3. okt. 2017    Leikskólabörn heimsćkja 1. bekk
mán. 2. okt. 2017    Afreksćfingar hjá körfuknattleiksdeild UMFG ađ hefjast
mán. 2. okt. 2017    Heilsu- og forvarnarvika 2. - 8. október
mán. 2. okt. 2017    Grindavík tryggđi sér 5. sćtiđ međ 19. marki Andra
mán. 2. okt. 2017    Grindavík lagđi Garđ í Útsvarinu - vel tekiđ á móti Eggerti
lau. 30. sep. 2017    Um notkun léttra bifhjóla
mán. 2. okt. 2017    Endurskođun námsmats
fös. 29. sep. 2017    Grindavík mćtir Garđi í Útsvarinu í kvöld
fim. 28. sep. 2017    Lokađ fyrir kalda vatniđ á Iđa- og Höskuldarvöllum
miđ. 27. sep. 2017    Reykjanes einn af 100 sjálfbćrustu áfangastöđum í heimi
miđ. 27. sep. 2017    Ari Trausti milliliđalaust á Bryggjunni kl. 17:00
miđ. 27. sep. 2017    Svipmynd úr starfi tónlistarskólans
ţri. 26. sep. 2017    Inflúensubólusetningar hefjast á Heilsugćslunni í vikunni
ţri. 26. sep. 2017    Búningasala hjá körfuboltanum á föstudaginn
Grindavík.is fótur