Strákarnir áfram í bikarnum eftir sigur á Ţórsurum
Strákarnir áfram í bikarnum eftir sigur á Ţórsurum

Eftir að hafa hikstað aðeins í tveimur síðustu deildarleikjum náðu Grindvíkingar að rétta úr kútnum á ný með góðum sigri á Þór á Akureyri í Maltbikarnum. Það var ekki mikið skorað í leiknum sem var jafn framan af en uppúr hálfleik náðu okkar menn betri tökum á leiknum og lönduðu að lokum sigri, 61-74.

Á heimasíðu Þórasara, thorsport.is, var fjallað ítarlega um leikinn:

Draumur Þórsara um að komast í Höllina og verða þátttakendur í ,,Hin fjögur fræknu" varð að engu í kvöld þegar liðið beið lægri hlut gegn Grindvíkingum.

Grindvíkingar sem töpuðu illa gegn Haukum í síðasta leik mættu grimmir til leiks og náðu strax góðum tökum á leiknum og komust strax í 0-8 áður en Þórsurum tókst að svara fyrir sig. Um miðjan leikhlutann var forskot gestanna 9 stig en þá kom ágætur kafli hjá Þór og þeim tókst að koma muninum niður í tvö stig þegar fyrsta leikhluta lauk 19-21.

Þórsarar virtust ætla hrökkva í gang í upphafi annars leikhluta og komust yfir í fyrsta sinn í leiknum eftir þriggja mínútna leik 25-24. Gestirnir komust strax yfir á ný en um miðjan leikhlutann komst Þór aftur yfir 33-32. Rétt eins og áður komust gestirnir strax yfir og leiddu í hálfleik með fimm stigum 36-41.

Þórsarar byrjuðu síðari hálfleikinn vel þ.e. fyrstu mínútuna og jöfnuðu 41-41. En líkt og áður í leiknum þegar Þór tókst að koma sér upp að hlið gestanna þá einfaldlega spýttu þeir í lófana og sigldu fram úr.

Grindvíkingar voru mun ákveðnari í öllum sínum aðgerðum, þeir hittu betur og gerðu mun færri mistök en heimamenn og höfðu níu stiga forskot 44-53 þegar fjórði og síðasti leikhlutinn hófst.

Sagan endurtekur sig í upphafi fjórða leikhluta þar sem Þórsarar byrja vel og skora fyrstu fjögur stigin og minnka muninn í fimm stig 48-53. Það sem eftir lifði leiks var leikurinn alfarið eign gestanna sem einkenndist af mikilli baráttu, fín hittni og þeir gera fá mistök. Á sama tíma gekk allt á afturfótunum hjá Þór. Gestirnir klára það sem eftir lifði leikhlutans með því að skora 21 stig gegn 13 Þórs.

Fór svo að gestirnir unnu sannfærandi 13 stiga sigur 61-74 þeir eru á leið í Final four en Þórsarar sitja eftir með sárt ennið.

Það verður að segjast eins og er að Þórsarar náðu sér aldrei á strik í kvöld og liðið svo óralangt frá því að skila af sér eitthvað í líkingu við það sem þeir gerðu í síðasta leik gegn Tindastóli.

Einnig munar um að í kvöld voru aðeins fimm leikmenn Þórs sem náðu að skora í kvöld en á sama tíma voru átta leikmenn gestanna sem komust á blað.

Stigahæstur Þórs í kvöld var George Beamon með 23 stig og kappinn tók einnig 14 fráköst, Darrel Lewis var með 15 stig, 6 fráköst og 4 stoðsendingar. Tryggvi Snær var með 8 stig og 18 fráköst, Ingvi Rafn Ingvarsson 12 stig, 10 fráköst og 3 stoðsendingar og að lokum Þröstur Leó Jóhannsson með 3 stig.

Hjá Grindavík var Lewis Clinch Jr. stigahæstur með 20 stig, Ómar Örn Sævarsson og Ólafur Ólafsson með 15 stig hvor, Dagur Kár Jónsson 9 stig og 9 fráköst, Ingvi Þór Guðmundsson og Þorsteinn Finnbogason 5 stig hvor, Þorleifur Ólafsson 3 stig og Jens Valgeir Óskarsson 2.

Tölfræði leiksins

Myndasafn

 

Nýlegar fréttir

mán. 29. maí 2017    Bćjarmálafundur G-listans í kvöld
mán. 29. maí 2017    Bćjarmálafundur hjá Framsókn í kvöld
mán. 29. maí 2017    Leikir í Hópinu
mán. 29. maí 2017    Á Reykjanesi er margt ađ sjá
mán. 29. maí 2017    Grindvíkingar fyrstir til ađ leggja Val í sumar
mán. 29. maí 2017    Lokađ fyrir kalda vatniđ í Suđur- og Vesturhópi
mán. 29. maí 2017    Ertu fćdd(ur) 1996 til 2001 og viltu komast á sćnskunámskeiđ í vinabćnum Piteĺ?
mán. 29. maí 2017    Laus störf viđ leikskólann Laut
mán. 29. maí 2017    Sýn foreldra á skólastarfiđ - Foreldrar hafa áhrif - í dag kl. 17:00
mán. 29. maí 2017    Bćjarmálafundur Sjálfstćđisfélags Grindavíkur í kvöld
mán. 29. maí 2017    474. fundur bćjarstjórnar Grindavíkurbćjar - dagskrá
lau. 27. maí 2017    Vorferđ í Selskóg
fös. 26. maí 2017    Skráning hafin á Bacalao mótiđ
fös. 26. maí 2017    Atvinna - Ađstođarskólastjóri og deildarstjóri yngsta stigs
fös. 26. maí 2017    Blái herinn tekur til hendinni viđ Brimketil á morgun
fös. 26. maí 2017    Víđavangshlaupiđ verđur miđvikudaginn 31. maí
fös. 26. maí 2017    Ratleikir um allan bć
fös. 26. maí 2017    Síđasti fundur Stuđbolta ţetta skólaár
fös. 26. maí 2017    Útskrifuđ - og hvađ svo?
fim. 25. maí 2017    Umhverfisdagar vikuna 27. maí - 3. júní
miđ. 24. maí 2017    Sýn foreldra á skólastarfiđ - Foreldrar hafa áhrif
miđ. 24. maí 2017    Stuđningsmannakvöld GG í Gjánni í kvöld
miđ. 24. maí 2017    Andri Rúnar Bjarnason leikmađur 4. umferđar
miđ. 24. maí 2017    Matseđillinn vikuna 29. maí - 2. júní í Víđihlíđ
miđ. 24. maí 2017    Hestaferđ hjá 4.V
Grindavík.is fótur