Grindavík Íslandsmeistarar í 9. flokki

• Körfubolti
• 7. maí 2018

Grindvíkingar lönduðu Íslandsmeistaratitli í körfubolta um helgina, þegar stúlkurnar í 9. flokki unnu úrslitaleik gegn sameiginlegu liði Tindastóls og Þórs nokkuð örugglega. Lokatölur leiksins urðu 59-27 en á kafla skoraði Grindavík 20 stig í röð án þess að Tindastóll/Þór næði að svara fyrir sig.

Elísabet Ýr Ægisdóttir var valin besti leikmaður leiksins, af annars afar jafngóðu liði Grindavíkur. Hún skoraði 16 stig, tók 6 fráköst, gaf 2 stoðsendingar, stal 2 boltum og varði 3 skot á þeim rúmu 20 mínútum sem hún spilaði.

Umfjöllun karfan.is um leikinn

Myndasafn frá karfan.is (Bára Dröfn)

Tölfræði leiksins

• Síðast uppfært: 7. maí 2018