Grunnskóli Grindavíkur

Gróđursetning í 4. bekk
Gróđursetning í 4. bekk

Á hverju vori fara nemendur 4. bekkjar til trjáplöntunar með samtökunum Gróður fyrir fólk í Landnámi Ingólfs (GFF). Vettvangurinn er í austanverðu Lágafelli, við rætur Þorbjörns. Nemendum hefur í gegnum tíðina tekist að breyta þessari gömlu malarnámu í gróðurreit þar sem nú vex birki, víðir og stöku reynir. Nemendur mæla plönturnar sem þeir setja niður, á hæð og breidd, skrá niðurstöður og meiningin er að þeir komi aftur seinna í námi sínu við grunnskólann til að vitja plantnanna og gera úttekt á hvernig þeim hefur vegnað.

Að þessu sinni var farið fimmtudaginn 11. maí í ágætu veðri. Mjög gott skipulag var á gróðursetningunni, börnunum var skipt niður í 6 barna hópa og Björn Guðbrandur Jónsson hjá GFF stjórnaði plöntuninni af mikilli snilld, allir fengu að prufa að stinga fyrir plöntunni, setja skít í holuna, setja plöntu niður í holuna, hella vatni yfir, dreifa áburði og meira skít, allt í réttri röð. Þetta var allt mjög spennandi en sumum fannst vond skítalyktin þótt þau hafi ekki látið það mikið á sig fá. Síðan er að vona að sumarið verði gott svo trjáplönturnar þeirra verði orðnar miklu stærri næsta ár þegar þau fara og mæla þær aftur.  Á Facebook síðu skólans má finna fleiri myndir úr gróðursetningunni.