Grunnskóli Grindavíkur

Foreldrar mikilvćgir ţegar gestirnir koma
Foreldrar mikilvćgir ţegar gestirnir koma

Í næstu viku mun hópur nemenda í Grunnskóla Grindavíkur, foreldrar og forráðamenn taka á móti gestum frá  Færeyjum, Danmörku og Lettlandi.  Hópurinn mun dvelja í um vikutíma og er leitað eftir aðstoð frá foreldrum allra þeirra barna sem hafa verið svo lánsöm að vera með í verkefninu Lítill skóli - margir möguleikar.

Guðrún Inga Bragadóttir náms- og starfsráðgjafi skólans og Petrína Baldursdóttir deildarstjóri unglingastigsins hafa leitt þetta verkefni af miklum myndarbrag, farið ferðir með börnunum til Danmerkur, Færeyja og Lettlands og nú er komið að því endurgjalda þessar heimsóknir með því að taka á móti þátttakendum frá hinum löndunum. Foreldrar eru lykilaðilar í svona móttöku því miklu skiptir fyrir upplifun bæði okkar nemenda og gestanna að verkefninu sé sýndur áhugi og velvild. Verkefnið er styrkt af Nordplus Junior sem er menntaáætlun norrænu ráðherranefndarinnar. Markmið menntaáætlunar er að stuðla að samstarfi og gæðum í menntun á Norðurlöndum og Eystrasaltslöndum.