|
Höfundur Unglingaráð körfuknattleiksdeildar
|
|
mánudagur, 21 júní 2010 |
Sumaræfingar eru enn í gangi hjá körfuknattleiksdeildinni. Strákarnir hafa verið duglegir að mæta en Sveinn sem sér um æfingarnar saknar stúlknanna. Þær eru hvattar til að mæta. Æfingarnar eru á mánudögum, þriðjudögum og fimmtudögum frá 10:30 til 12:00.
|
|
|
Höfundur Umsjónarmaður
|
|
mánudagur, 21 júní 2010 |
Tvö neðstu liðin í Pepsi deild karla mætast í kvöld klukkan 20:00
Fyrir leikinn er Grindavík í neðsta sæti með 3 stig, Haukar með 3 stig sömuleiðis en með betri markatölu. Er því leikurinn mjög mikilvægur fyrir bæði lið, sannkallaður 6 stiga leikur.
Scott Ramsay og Grétar Hjartarson eru báðir að braggast og gætu e.t.v. spilað í kvöld ásamt Jóhanni Helgasyni sem tekið hefur út leikbann.
Liðin mættust í Lengjubikarnum í vetur þar sem Haukar fóru með sigur af hólmi, 2-1. Annars hafa liðin ekki mæst í mörg ár og ef flett er upp í gagnagrunni KSÍ þá er aðeins 3 leikir skráðir milli þessara liða, leikurinn í vetur og svo tveir aðrir deildarbikarleikir 2003 og 2004 þar sem Grindavík sigraði í bæði skiptin.
Leikurinn verður sýndur í beinni á Stöð 2 sport en hinsvegar eru allir hvattir til að mæta á völlinn og styðja við bakið á strákunum. Athugið að leikurinn fer fram á Vodafonevellinum að Hlíðarenda en ekki í Hafnarfirði.
|
|
|
Dagskrá 17.júní hátíðarhalda |
|
Höfundur Umsjónarmaður
|
|
miðvikudagur, 16 júní 2010 |
Kl. 08:00 Fánar dregnir að húni.
Kl. 10:00 Hátíðarguðþjónusta í Grindavíkurkirkju.Ræðumaður: Bryndís Gunnlaugsdóttir,
forseti bæjarstjórnar.Fjallkona: Elínborg Ingvarsdóttir.Kór Grindavíkurkirkju syngur undir stjórn Kára Allanssonar.Sr. Petrína Mjöll Jóhannesdóttir predikar.Sr. Elínborg Gísladóttir þjónar fyrir altari.Að lokinni guðþjónustu verður kaffisamsæti í safnaðarheimilinu í boði íþrótta-og æskulýðsnefndar.
Kl. 14:00 Karmelluregná Landsbankatúninu.
Kl. 14:15 Skrúðganga frá Landsbankatúninu að Grunnskóla Grindavíkur
Kl. 14:30 Skemmtidagskrávið grunnskólann. Kynnir er Víðir Guðmundsson leikari sem sprellar á milli atriða.
-Gosi kemur í heimsókn.
-Ingó töframaður sýnir töfrabrögð á heimsmælikvarða.
-Söngvakeppni yngstu kynslóðarinnar 14 ára og yngri. (Forkeppni verður haldin í Kvennó deginum áður, 16. júní. Hefst kl. 18:00. Skráning á staðnum.)
-Pálmar Guðmundsson trúbador tekur lagið.
-Viktor Gunnarsson og Guðbjörg Yuriko Ogino taka nokkur lög.-Fimleikasýning á vegum fimleikadeildar UMFG.-GRAL leikhópurinn.-Brúðubíllinn (kl. 17:00)
Á svæðinu verður einnig:
-Skemmtileg leiktæki á svæðinu fyrir alla krakka.
-Kassaklifur í umsjá unglingadeildarinnar Hafbjargar.
-Andlitsmálun fyrir alla hressa krakka.
-Körfubolti 3 á 3.
-Golfþrautir.
-Knattspyrnuþrautir.
-Arctic horses leyfa börnum að fara á hestbak.
Slysavarnardeildin Þórkatla verður með sölu á ýmsu góðgæti, blöðrum og fánum.
Söguratleikur Grindavíkur 2010:
Ratleikurinn er auðveldur og fróðlegur útivistarleikur. Leitað er að spjöldum á stöðum sem merktir eru á ratleikskort eða vísað á þá.
Ratleikurinn tengist 80 ár sögu Slysavarnadeildarinnar sem var stofnuð 2. nóvember 1930. Ratleikurinn vísar á nokkra áþreifanlega minnisvarða. Fróðleikurinn byggir á Sögu Grindavíkur frá árinu 1994 sem Jón Þ. Þór tók saman, örnefnalýsingum og munnmælum fólks í Grindavík. Höfundur ratleiks Sigrún Jónsd. Franklín
Bókstafi og tölustafi á hverjum stað þarf að færa inn á lausnarblað og skila því í Saltfisksetrið eigi síðar en 25. júní. Ratleikskort og lausnarblað er hægt að nálgast í
Saltfisksetrinu.
Dregið verður úr réttum lausnum og það tilkynnt í Jónsmessugöngunni á Þorbirni 26. júní. Veglegir vinningar í boði:
1. Fjölskylduárskort í Bláa lónið og gjafabréf á veitingastaðnum LAVA á hádegisverðar hlaborð fyrir fjóra
2. Hellaskoðun fyrir tvo á vegum Eldfjallaferða
3. Sigling og veiði fyrir tvo á vegum Bryggjunnar, Miðgarði 2.
Vinsamlegast látið vita ef spjöld finnast ekki eða hafa verið færð úr stað í Saltfisksetrið s. 4201190.
Umsjón 17. júní hátíðarhaldanna: Knattspyrnudeild UMFG og íþrótta-og æskulýðsnefnd Grindavíkurbæjar. |
|
|
Höfundur Umsjónarmaður
|
|
miðvikudagur, 16 júní 2010 |
 Grindavíkurstúlkur gerðu góða ferð í Hafnarfjörðinn í gær þegar þær mættu Haukum að Ásvöllum í Pepsi deild kvenna.
Leikurinn var mikilvægur fyrir bæði lið því Haukar ætluðu að nota tækifærið og reyna rífa sig upp úr fallsæti en með sigri Grindavíkur gátu okkar stúlkur komist í þennan þétta pakka liða í 2-8 sæti. Það tókst hjá Grindavík og eru þær nú komnar í 4 - 5. sæti með 11 stig. Aðeins þrjú stig er í annað sæti en Valur virðist vera að stinga af enn eitt árið því þær eru efstar með 17 stig.
Grindavík mætir einmitt Val í næstu umferð sem reyndar er ekki fyrr en undir lok mánaðarins vegna lands- og bikarleikja.
Aftur að leiknum en hann var frekar tíðindalítill. Eins og markatalan sýnir þá er Grindavík með bestu vörnina í ár þar sem aðeins 4 mörk hafa komist þar í gegn. Hakuar náðu ekki að skora í gær en mark Grindavíkur gerði Rachel Furness.
Myndir frá leiknum er hægt að sjá á sport.is
|
|
|
Haukar - Grindavík í kvöld |
|
Höfundur Umsjónarmaður
|
|
þriðjudagur, 15 júní 2010 |
Grindavík sækir Hauka heim í kvöld á Ásvöllum í Hafnarfirði.
Haukar hafa rætt um þennan leik í viðtölum upp á síðkastið sem þann leik sem þær verða að vinna og munu því væntanlega leggja allt sitt í hann til að rífa sig upp úr fallbaráttunni.
En Grindavíkurstelpurnar eru í toppformi þessa dagana og gerðu jafntefli við Breiðablik í síðustu umferð þar sem þær hafa náð í öll þrjú stigin og því er von á toppleik í kvöld sem enginn ætti að missa af. Með sigri í kvöld geta stelpurnar nefnilega blandað sér í átökin á efri hluta deildarinnar og komist yfir Stjörnuna.
|
|
|
Tvær úr Gríndavík í Norður-Írska landsliðinu |
|
Höfundur Umsjónarmaður
|
|
þriðjudagur, 15 júní 2010 |
Íslenska A landslið kvenna mætir Norður-Írum á Laugardalsvelli næstkomandi laugardag. Leikurinn er liður í undankeppni fyrir HM 2011.
Tveir leikmenn úr Grindavík munu þarna taka þátt en það eru þær stöllur Rachel Furness og Sarah McFadden.
Engin úr liði Grindavíkur var valin í íslenska landsliðið sem vekur nokkra furðu en Ólína Guðbjörg Viðarsdóttir verður glæsilegur fulltrúi Grindavíkur eins og endranær.
|
|
|
Úrslit úr styrktarmóti kvennaliðs Grindavíkur |
|
Höfundur Sigurður Enoksson
|
|
þriðjudagur, 15 júní 2010 |
 1. sæti Los Beatles (Guðjón Grétar Daníelsson og Jón Andri Finnsson) á 63 höggum
2. sæti Jóhann Freyr Einarsson og Agnar Már Gunnarsson á 64 höggum
3. sæti Ingvar Guðjónsson og Lárus Guðmundsson á 65 höggum.
Nándarverðlaun á 4 holu Frosti Eiðsson
Nándarverðlaun á 8 holu Ragnar David Riordan
Nándarverðlaun 13 holu Arnar Freyr Gunnarsson
Óheppnasta parið Jóhann Ólafsson og Vilhelm Jónsson
Mesti tuðarinn Guðmundur Valur Sigurðsson
Besta Lúkkið Þar voru 4 sem voru í þessum flokk en Sigurður Þór Birgisson fékk fyrstu verðlaun því hann var í bleiku. Hinir fengu þó sárabætur Bjarki Guðmundsson,Birgir Hermannsson
Og Sigurður Jónsson
Meistaraflokkur kvenna þakkar keppendum fyrir stuðninginn
Einnig þökkum við eftirtöldum fyrirtækjum fyrir frábæran stuðning:
Hérastubbur Bakarí, Stakkavík,Ölgerðin,Vifilfell,Margt Smátt,Palóma,Nettó,Pizza Islandia,Olís,Mjólkursamsölunni og Bláa Lóninu . Án ykkar þá hefði þetta ekki verið hægt.
Einnig þökkum við Golfklúbbi Grindavíkur og starfsfólki(Bubbu) fyrir frábært samstarf á meðan á mótinu stóð
Myndir frá mótinu má sjá á igolf.is
Kær kveðja Fyrir hönd liðsins og kvennaráðs
Sigurður Enoksson
|
|
|
Breiðablik 2 - Grindavík 3 |
|
Höfundur Umsjónarmaður
|
|
mánudagur, 14 júní 2010 |
|
Loksins, loksins er keppnistímabilið hafið og 3 stig í hús á erfiðum útivelli. Grindavík var án 3 lykilmanna því Grétar og Scotty eiga við meiðsli að stríða og Jóhann Helgason tók út leikbann. Liðuppstillingin var því þannig: Rúnar
Ray Auðun Orri Jobbi
Jóhann A, Matthías Markó Alexander
Óli Baldur Ondo Sem sagt Markó og Orri höfðu stöðuskipti, Jóhann Aðalgeirsson á kantinn og Óli Baldur í framlínuna fyrir Grétar |
|
Nánar...
|
|
|
Breiðablik - Grindavík í dag |
|
Höfundur Umsjónarmaður
|
|
mánudagur, 14 júní 2010 |
Grindavík sækir Breiðablik heim á Kópavogsvelli í kvöld, mánudag, kl. 19:15. Grindavík er án stiga eftir 6 leiki en Breiðablik í 3. sæti með 11 stig. Þetta verður fyrsti leikur Grindavíkur undir stjórn Ólafs Arnar Bjarnasonar.
Ekki verður annað sagt en hann taki við liðinu við erfiðar aðstæður. Það situr sem fastast á botninum og þá verður Grindavík án þriggja lykilmanna í kvöld. Jóhann Helgason er í leikbanni og þá eru Scott Ramsey og Grétar Hjartarson meiddir. Ramsey meiddist í bikarleik gegn Þór og hefur gengið erfiðlega að fá bót meina sinna og óvíst um framhaldið en hann fékk slæmt högg á lærið. Þá meiddist Grétar í baki í síðasta leik gegn ÍBV en talið en hann verði klár í næsta leik gegn Haukum. Jafnframt glíma fleiri leikmenn liðsins við meiðsli.
|
|
|
Höfundur Umsjónarmaður
|
|
föstudagur, 11 júní 2010 |
Áður auglýstu styrktargolfmóti meistaraflokks kvenna sem átti að fara fram á morgun hefur verið frestað um einn dag vegna veðurs. Mótið fer því fram á sunnudaginn
|
|
|
Höfundur Bjarni Már Svavarsson
|
|
miðvikudagur, 09 júní 2010 |
 Það var mikið fjör á sundmóti sjóarans síkáta sem haldið var í sundlaug Grindavíkur um sjómannahelgina, en mættu nokkur lið með sitt sterkasta lið og gekk mótið í alla staði vel.
Keppt var í blönduðum riðlum og voru því tímarnir sem náðust ekki löglegir til lágmarka þar sem drengir og stúlkur mega ekki keppa saman í sundi.
en myndir segja fleira en orð og er hægt að líta á nokkrar hérna
|
|
|
|
<< Byrjun < Fyrri 1 2 3 4 5 6 7 8 9 10 Næsta > Endir >>
|
| Niðurstöður 94 - 124 af 2405 |
