Æfingaleikur með meistaraflokki - Prógram framundan
Höfundur Eysteinn
fimmtudagur, 02 september 2010
Binni, Milos, Lolli, Gummi Egill og Gunnar Þorsteins komu allir við sögu í æfingaleik meistaraflokks gegn Stjörnunni á Grindavíkurvelli í dag og hljóta fyrir það hamingjuóskir frá tæknideildinni. Fleiri leikmenn áttu kost á því en voru fjarverandi af mismunandi ástæðum. Leikurinn tapaðist 0-1.
Svona fer þetta fram hjá okkur á næstu dögum:
Föstudagur og laugardagur: Engin æfing. Njarðvíkingar mæta í gæslu á meistaraflokksleikinn.
Sunnudagur: Njarðvíkingar æfa kl. 14:00 og Grindvíkingar kl. 18:00.
Næsti leikur í Íslandsmótinu verður svo miðvikudaginn 8. september, þegar við heimsækjum Framara.
Æfingar fimmtudags - Sigur á Vestmannaeyjingum
Höfundur Eysteinn
fimmtudagur, 02 september 2010
Æfingar dagsins í dag:
Grindvíkingar mæta í Gula hús kl. 17:10 (klárir í upphitun kl. 17:30) og taka þátt í æfingaleik meistaraflokks gegn Stjörnunni.
Njarðvíkingar mæta á meistaraflokksæfingu kl. 18:00.
Leikið var gegn Í.B.V./K.F.S. á miðvikudag og fór leikurinn fram í Grindavík. Skemmst er frá því að segja að eftir markalausan fyrri hálfleik vannst góður 2-0 sigur með mörkum frá Svenna og Ísleifi.
Leikið verður gegn ÍBV/KFS á miðvikudag og hefst leikurinn kl. 16:30. Mæting er í Gula húsið kl. 15:30 og þið sjáið um smáatriðin.
Hópurinn verður þannig:
Binni, Bragi, Gummi Egill, Gunnar Þ., Ísak, Ísleifur, Jónas, Jón Unnar, Milos, Svenni, Gísli og Lolli. Að auki koma úr 3. flokki þeir Daníel Leó og Hákon (Grindavík) og Magnús og Augustine eða Hákon (Njarðvík)
Mikilvægur leikur. Stefnum á annan sigurinn í röð!
Æfingar (athuga breytingu!)
Höfundur Eysteinn
laugardagur, 28 ágúst 2010
Þriðjudagur: Sameiginleg æfing í Grindavík kl. 18:00. Mæting á æfingasvæðið fyrir neðan Hópið.
Miðvikudagur: Leikið í GRINDAVÍK gegn ÍBV/KFS, kl. 16:30.
Fimmtudagur: Meistaraflokkur leikur æfingaleik gegn Stjörnunni. Einhverjir Grindvíkinga spila þann leik, Njarðvíkingar æfa sín megin.
Stórleikur Binna tryggði sigur í Kópavogi
Höfundur Eysteinn
fimmtudagur, 26 ágúst 2010
ATHUGIÐ! Prógram föstudags er þannig að Grindvíkingar mæta á meistaraflokksæfingu kl. 17:00 og Njarðvíkingar sömuleiðis sín megin, en kl. 18:00. Ekki verður æft á laugardag, en á sunnudag æfum við líklega fyrripart dags, en formið á því verður tilkynnt er nær dregur.
Eftir fjóra erfiða leiki sem höfðu aðeins gefið eitt stig, náðust loks 3 stig í hús eftir góðan sigur á útivelli gegn H.K./Ými, 1-2. Jón Unnar kom okkur af harðfylgi í 1-0 eftir að hafa sloppið í gegn og staðið af sér tæklingu, en þá var vel liðið á fyrri hálfleik. Milos fékk svo góða gjöf frá Svenna er skammt var liðið á seinni hálfleik og kláraði af yfirvegun í fjærhornið, nýlentur eftir sex vikna dvöl í föðurlandinu, 0-2.
Eftir það sóttu Kópavogsbúar mikið, en þeir komust lítt áleiðis eða þar til um 7mínútur voru eftir en þá slapp vinstri kantmaður þeirra í gegn og minnkaði muninn.
Ekki er hægt að skilja við þennan leik án þess að minnast á þátt markvarðar okkar, Binna, sem átti stórleik og varði meðal annars fjóra bolta af þeirri tegund sem enginn hefði getað gagnrýnt hann fyrir, ef hefðu endað í netinu. Af þessum fjórum var einn alveg í lokin, í stöðunni 1-2.
Greinilegt að hann hefur hvílt sig vel í gærkvöldi :)
Æfingar með meistaraflokkum í dag - Sameiginlegt á morgun.
Höfundur Eysteinn
þriðjudagur, 24 ágúst 2010
Meistaraflokksæfing verður í Grindavík í kvöld kl. 18:00 og mætum við á hana, eldhressir.
Njarðvíkingar mæta á meistaraflokksæfingu kl. 18:00, þeim megin.
Liðin æfa svo saman í Grindavík á miðvikudag kl. 18:00 og svo er leikur gegn H.K./Ými í Fagralundi, Kópavogi á fimmtudag, kl. 18:30.
Æfing á mánudag
Höfundur Eysteinn
sunnudagur, 22 ágúst 2010
Þar sem engin meistaraflokksæfing er á mánudag, þá tökum við Grindvíkingar tækni- og skotæfingu á "gamla aðal", kl. 17:00.
Njarðvíkingar sem hafa ekki heyrt af næstu æfingu, hafið samband við Snorra.
Við munum svo æfa með meistaraflokkunum á þriðjudag en líkast til hafa sameiginlega æfingu á miðvikudag.
Fylgist með síðunni.
Æfing í Grindavík á laugardag
Höfundur Eysteinn
föstudagur, 20 ágúst 2010
Grindvíkingar mæta á meistaraflokksæfingu á laugardag, kl. 11:00. Ég verð með 6. flokk í Borgarnesi, þannig að ég verð ekki á staðnum, en Janko sér um ykkur.
